Ubuyobozi bw’Ikigo cy’Igihugu gishinzwe Ibizamini n’Ubugenzuzi bw’Amashuri (NESA) bwatangaje ko umwaka w’amashuri wa 2024-2025 uzatangira ku itariki ya 09 Nzeri 2024. Ni mu gihe abanyeshuri n’abarezi babo bari bamaze igihe cy’amezi agera kuri abiri mu biruhuko bisoza umwaka w’amashuri wa 2023-2024. Ubuyobozi bwa NESA bwasabye ababyeyi gukomeza imyiteguro y’itangira ry’ umwaka w’amashuri wa 2024-2025. Ku bijyanye n’ingengabihe y’umwaka w’amashuri ndetse n’itangazwa ry’amanota y’ibizamini bya Leta bisoza amashuri abanza n’Icyiciro Rusange cy’amashuri yisumbuye NESA yatangaje ko bizatangazwa mu minsi mike iri imbere.